اپنے اردگرد پھیلی نفرتوں سے اکتا گیا ہوں۔۔۔ چاہ کر بھی اپنی محبتیں سب میں پھیلا نہیں پایا۔۔۔ یہ خواہش کہ سب ایک دوسرے سے محبت کریں۔۔۔ میرے لیے۔۔۔ اپنے لیے۔۔۔ دوسروں کے لیے۔۔۔ اللہ کے لیے۔۔۔
محبت اتنا مشکل کام نہیں۔۔۔ جتنا سب نے بنا لیا ہے۔۔۔
مجھ سے نا سہی۔۔۔ میری خاطر ہی سہی۔۔۔ ایک دوجے سے محبت کر لو۔۔۔ میری خاطر بھی نا سہی۔۔۔ تو اللہ واسطے ہی اپنی بدگمانیاں، تلخیاں اور نفرتیں مٹا دو۔۔۔
کیا لے جائیں گے اس دنیا سے۔۔۔ نفرت۔۔۔!!! تلخیاں۔۔۔!!! بدگمانی۔۔۔!!!
نفرت کرو گے تو نفرت پاو گے۔۔۔
محبت کا بدلہ محبت اور عزت کے بدلے عزت پاو گے۔۔۔
گر بانٹ سکتے ہو تو محبت بانٹو۔۔۔ نفرت کسی کام نا آئے گی۔۔۔
محبت دعا کی صورت حساب آسان کر دے گی۔۔۔ اور نفرت دنیا کو بھی عذاب بنا دے گی۔۔۔
ایک دوسرے کو معاف کر دو۔۔۔ دل سے۔۔۔ معاف کر کے۔۔۔ معافیاں مانگ کر۔۔۔ خود کو صاف کر لو۔۔۔ دل کے داغ مٹا دو۔۔۔ اپنے لیے نا سہی۔۔۔ تو میرے لیے۔۔۔ اللہ کے لیے ہی سہی۔۔۔
میں اپنے اردگرد پھیلی نفرتوں سے اکتا گیا ہوں۔۔۔ چاہ کر بھی اپنی محبتیں سب میں پھیلا نہیں پایا۔۔۔
3 Comments
گستاخی ہو جانے کے خدشہ کی وجہ سے پیشگی معذرت کی درخواست کے بعد عرض ہے کہ کم تعلیم کے ساتھ ساتھ ناتجربہ کار ہونے کے باعث غلطی اور گستاخی ہو جانے کا بہت خدشہ رہتا ہے میں اسی لئے بالعموم تبصرہ سے گریز کرتا ہوں ۔
ReplyDeleteعرض یہ ہے کہ دوسروں پر عبور حاصل کرنا جسے بذبان فرنگی کنٹرول کرنا کہتے ہیں بہت مشکل بلکہ ناممکن عمل ہے ۔ آدمی اپنے پر عبور حاصل کر لے ۔ یہ بھی بہت بڑی بات ہے ۔ چنانچہ دوسروں میں نفرت سے متاءثر ہو کر اپنا دل بوجھل کرنے کی بجائے خود محبتیں پھیلایئے کہ سیانے کہہ گئے ہیں محبت سب پر حاوی ہوتی ہے یعنی نفرتوں کے فُقدان میں ممد و معاون ثابت ہوتی ہے
جو شخص دوسروں کو تکلیف دیتا ہے اور نفرت پھیلاتا ہے وہ خوف نہ تو چین سے رہ سکتا ہے اور نہ ہی نفرت کے بدلے پیار پا سکتا ہے۔
ReplyDeleteاچھی چیزیں شیئر کرنا میری عادت ہے
ReplyDeleteاپنے نام سے نہیں کرتا میں کسی کے لکھے ہوئے کو جو باتیں مجھے پسند ہوتی ہیں اُسے دوسروں تک پہنچانے کی کوشش کرتا ہوں پر کچھ لوگ یہ نہیں چاہتے اس لئے کاپی رائٹ بنا کر رکھ دیتے ہیں اچھے خیالات اُمت کی امانت ہوتے ہیں یوں اسے قید کرکے مت رکھیں
"شُکرا
اگر آپ کو تحریر پسند آئی تو اپنی رائے ضرور دیجیے۔