رمضان آنے کو ہے اور پہلا روزہ کل یا پرسوں متوقع ہے۔ متحدہ عرب امارات ، سعودی رویت ہلال کمیٹی کی تلقید کرتی ہے۔ عشاء کی نماز کے فوراً بعد روزہ ہونے یا نا ہونے کی خبر آ جائے گی۔
سچ بتاوں تو دل بہت گھبرایا ہوا ہے۔ ایک ڈر دل میں بیٹھا ہوا ہے۔ اس دفعہ روزے بھی کافی لمبے ہونگے۔ تقریباً پندرہ گھنٹے کا۔ 48 سے 50 فارہنایٹ ڈگری کی گرمی اور بنا پانی کے پندرہ گھنٹے۔۔۔!!! اف، کتنے مشکل روزے ہونگے۔ بھوک پیاس کو اتنا برداشت کیسے کروں گا۔
ایمان کی کیسی زبردست کمزوری ہے۔ ہاں دل کا سچا حال لکھنے کی ہمت ضرور ہے کہ کئی حضرات کی طرح دلوں میں روزے رکھنے کی جھنجلاہٹ چھپائے دنیا دکھاوے کے لیے "رمضان مبارک" کے ایس ایم ایس فارورڈ نہیں کرتا۔
نیکی کرنے کا خوف کس حد تک بیٹھ گیا ہے میرے دل میں کہ ڈائٹ کے نام پر ہفتہ ہفتہ کچھ نا کھاوں پیوں تو کوئی مسئلہ نہیں، لیکن احکام الہیٰ پورے کرتے میری جان جا رہی ہے۔
شاید میرے جیسا حال اور بہت سے حضرات کا ہے۔ شاید وہ بھی دنیاوی تکلیف کا سوچ کر آخرت کی حساب اور جزا سزا کو بھول رہے ہیں۔ شاید کہ میری یہ تحریر میرے اور ان کے دلوں کے حال بدل دے۔
اسلام کے کسی بھی مسلک میں رمضان کی اہمیت، فرضیت، قوانین و قواعد اور ثواب محترم ہیں۔ میرے جیسے "بے ایمان" اور "شیطان کا تابع" انسان اگر مندرجہ ذیل نکات پر غور کرلے اور ان کو سنجیدگی سے خود پر طاری کر لے تو ہو سکتا ہے کہ اللہ ہمیں معاف فرما دیں اور ہمارے روزے ہمارے لیے باعث ِلطف اور کارخیر ثابت ہو سکتے ہیں
دعا ہے کہ اللہ مجھ سمیت سب مسلمانوں کو ہدایت عطا فرمائے اور ہمارے روزوں کوقبول فرمائے۔ آمین
9 Comments
[...] ماہ رمضان اور میرے ایمان کی کمزوری [...]
ReplyDeleteگرمی تو اس بار کراچی میں بھی ہے ، کبھی موسم اچھا کبھی گرم ۔۔۔ شعبان کے 2 روزے رکھ کے تو برا حال تھا دیکھتی ہوں رمضان میں کیا ہوتا ہے ۔۔ اللہ ہم سب کو ہمت دے آمین ۔۔
ReplyDeleteاس دفعہ تو جاپان کے روزے بھی کڑاکے کی گرمی میں نازل ہو رہے ہیں۔
ReplyDeleteاوئے پھر کاپی پیسٹ قنون کی خلاف ورزی؟ :biggrin:
آپ کو اور آپ کے تمام اہل خانہ کو رمضان مبارک
عمران بھائی، رمضان شریف مبارک ہو، اللہ تبارک و تعالیٰ اس رمضان کو ہم سب کیلئے عموماً مگر امت اسلام کیلئے خوش بختی اور امن کا پیامبر بنا دیں۔ یا اللہ ہم سب کو رمضان کا احترام کرنے اور تیری بندگی کرنے کی لگن، ہمت اور توفیق دے۔
ReplyDeleteنیا بلاگ مبارک ہو۔
عمران بھائی!
ReplyDeleteنہ جھجلاہٹ نہ پریشانی۔ نصیوں کی بات ہے۔ ہر کسی کے نصیب میں یہ بر کتوں والا ماہ کہاں ہوتا ہے۔ صرف اپنی تنگ دامنی کا احساس ہوتا ہے۔ کہ قطار اندر قطار رحمتیں اور برکتیں آسمان سے ناز ہوتی ہیں اور اپنا ظرف کم پڑ جاتا ہے۔دل میں ای نفیس سا احساس گد گدی کرتا رہتا ہے۔ کہ الہٰی تیرا خطاکار بندہ ہوں۔ گناہ گار بندہ ہوں۔ اس قابل تو نہیں مگر تو نے ماہ صیام کی برکتوں سے نواز کر اس کم نصیب کو نصیبوں والا کردیا ہے۔ یہ پیاس بھوک اور دیگر معاملے بے شک کھٹن ہوتے ہیں مگر تیری رحمت سے دل کو صبر اور قرار آجاتا ہے۔ اور تم نے جن نعمتوں سے نواز رکھا ہے۔ انکی قدر اور تیرےفضل کو سمجھنے کی کوشش کرتا ہوں۔ اور بے شک خطاکار ہوں مگر تو مہربان اور کرم کرنے والا ہے ۔ غفورو رحیم ہے۔ بس اسی طرح اپنے فضل اور کرم کے در وا رکھنا۔ اگر مجھ سے کوئی کوتائی ہوجائے تو رب العالمین میری رہنمائی فرمانا اور اور اپنے فضل اور رحمت سے میری جھولی بھر دینا۔ بے شک میرا ظرف تیرے کرم سے نہائت تنگ ہے۔
ان برکتوں والے ماہ میں میرے صبر اور ظرف کو کشادہ کردے۔ میری اور سب کی سختیاں دور کردے۔ ختم کردے۔ اور اپنے فضل سے مالا مال کردے۔ یہ میرے نصیب کہ تو نے مجھے با نصیب کیا۔میری ان نصیبوں کے واسطے میری قوم کی سختیاں ختم کردے۔
عمران بھائی!
ReplyDeleteنہ جھجلاہٹ نہ پریشانی۔ نصیوں کی بات ہے۔ ہر کسی کے نصیب میں یہ بر کتوں والا ماہ کہاں ہوتا ہے۔ صرف اپنی تنگ دامنی کا احساس ہوتا ہے۔ کہ قطار اندر قطار رحمتیں اور برکتیں آسمان سے ناز ہوتی ہیں اور اپنا ظرف کم پڑ جاتا ہے۔دل میں ایک نفیس سا احساس گد گدی کرتا رہتا ہے۔ کہ الہٰی تیرا خطاکار بندہ ہوں۔ گناہ گار بندہ ہوں۔ اس قابل تو نہیں مگر تو نے ماہ صیام کی برکتوں سے نواز کر اس کم نصیب کو نصیبوں والا کردیا ہے۔ یہ پیاس بھوک اور دیگر معاملے بے شک کھٹن ہوتے ہیں مگر تیری رحمت سے دل کو صبر اور قرار آجاتا ہے۔ اور تم نے جن نعمتوں سے نواز رکھا ہے۔ انکی قدر اور تیرےفضل کو سمجھنے کی کوشش کرتا ہوں۔ اور بے شک خطاکار ہوں مگر تو مہربان اور کرم کرنے والا ہے ۔ غفورو رحیم ہے۔ بس اسی طرح اپنے فضل اور کرم کے در وا رکھنا۔ اگر مجھ سے کوئی کوتائی ہوجائے تو رب العالمین میری رہنمائی فرمانا اور اور اپنے فضل اور رحمت سے میری جھولی بھر دینا۔ بے شک میرا ظرف تیرے کرم سے نہائت تنگ ہے۔
ان برکتوں والے ماہ میں میرے صبر اور ظرف کو کشادہ کردے۔ میری اور سب کی سختیاں دور کردے۔ ختم کردے۔ اور اپنے فضل سے مالا مال کردے۔ یہ میرے نصیب کہ تو نے مجھے با نصیب کیا۔میرے ان نصیبوں کے واسطے میری قوم کی سختیاں ختم کردے۔
الحمد اللہ . . ہمارے علاقے تو برسات کی وجہ سے ماحول بہت بہترین ہے .. آپ سبھی حوصلہ رکھئے . . ان شاء اللہ . . آسانی ہوگی .
ReplyDeleteجزاک اللہ
رمضان مبارک ہو آپ کو
ReplyDeleteتحریم... آپ کو بھی رمضان مبارک ہو... اللہ ہم سب کے روزے قبول فرمائے... آمین...
ReplyDeleteاگر آپ کو تحریر پسند آئی تو اپنی رائے ضرور دیجیے۔